生日快樂....

由細到大都好鐘意係生日當天同屋企人過, 因為呢種日子一年比一年少, 今日唔知聽日事, 想珍惜吓. 不過時常都比某衰婆打破我嘅計劃. 原因仲年年不同:

事例一. 佢有朋友B跟我同一天生日, 某衰婆寧願跟朋友過, 又或者同朋友去旅行, 都唔理我. ~~喂! 我先至同你同一個阿媽生呀!!

事例二. 今年呢, 唔使陪朋友喇, 阿媽早已不斷提醒大家當日要食飯,就算個孫女要考試都要到. 但某衰婆居然唔記得,好心check 吓個腦, 可能生錯地方. 仲為咁攪到係生日前一晚比阿媽抱怨, 激得我同阿媽吵大交. 喂! 冇腦果個又唔係我, 仲咩鬼話我喎! 枉我當個衰婆係外地逍遙快活嘅時候, 我就出去幫佢搵資料, 晚間online又搵, 攪到我連H.O.T嘅website都冇時間睇. 你個死婆, 你知我不嬲都小器, 我嬲呀!!!

好在當晚大家都食得好開心 (我阿媽經我長期訓練,好快嬲完,仲叫我唔好理個衰婆),攪到我又忍唔住又食咗幾件燒鴨& 龍蝦, 結果返到屋企又周身痕囉:

仲有我姪女玩野之作:

咩野咁urgent 呀!

原來係隻豬, 係喎, 真係好urgent! 擺床頭會旺喎!

外表係豬, 查實係個盒, 好喎!

總結: 今年生日好快樂, 皆因我有好好嘅家人,好朋友,好同事同我一起過. 都唔覺自己老了一歲 (好肉麻, 早抖先, 明早又碌上個井度. 唉...)