多得阿屈先嘅捨身殉國精神, 令我地有一天假期. 好野! 今日終於唔使拎部手提電腦返屋企喇 (其實係公司個sever 死咗, F小姐send唔野到比我, 幫唔到佢執屎.
都好, 諗住可以瞓耐d. 死火! 可能年紀大咗,瞓唔到咁耐, 今日居然七點幾就醒.... 唉! 平日返工又唔咁早起身喎! 我死唔服氣, 結果係張床度"典來典去", 點都要攪到成十二點幾先肯起身. 無聊!
為咗應節照例食咗半隻椶 (營養師話一隻椶等於六碗飯!) 雖然係咁, 但食唔飽喎,再叮個米粉食, 之後全日就係家姐房度一邊上網,一邊同阿媽吹水. 又重複聽番我細個有幾唔聽話,令佢幾勞氣嘅事跡.... 次次我都話係你地一手做成, 唔關我事喎. 攪到佢都覺得我有道理, 我仲順便叫佢唔好縱d孫, 有板你睇喎~~~ 嘻嘻.
是日無聊事件報告完畢......
No comments:
Post a Comment