6 月4號-真係唔好嘅日子

年年6月4日係中國人傷感嘅日子, 今日看到新聞播出一位媽媽,等了18年才可以路祭自己兒子. 突然有d眼濕濕...

2003年6月4日係我和家人傷心嘅日子, 當日清晨時份我老豆突然心臟病發,要call白車到急症室搶救. 醫生當時話佢係心臟衰竭,心臟功能只得2成, 叫我地要有心理準備. 喊到死死下嘅我點聽得入耳, 根本冇人知佢有心臟病,包括他本人在內,原來佢當時糖尿病太高, 攪到個心有事都唔識痛, 好在最後救得番. 但當時正值沙士, 佢又住係深切病房,唔俾探病. 當時諗起就好心痛... 同樣因為呢件事更令我知道另一件事,攪到我難過咗好耐好耐...

今年6月4日係公司大地震嘅日子, 人事變動得太突然,唔識反應. 除了有點不捨之外, 只係預料大家會有更多工作要煩, 唯一安慰就係搬office嘅機會大大降低咗囉.

明年6月4日,但願可平安渡過,可以去到加拿大啦.