仲有個方法都可以再瘦d, 就係去多d大陸個井, 光是轉車都攪到筋疲力竭: 一大早由屋企坐巴士到火車站坐火車到羅湖, 做好過關手續後, 再搭琛圳地鐡到科學館站. 然後碌上去趕搭機場大巴到琛圳機場, 最後先至等公司車接去個井度. 順利嘅話, 係2個多鍾到搭五程車扺達! 記住全程都拎住部手提電腦走黎走黎去. 又要打醒精神,怕俾人搶野喎.
去到個井都成十一點幾. 冇耐又去食飯, 成日都趕頭趕命. 回程時又同朝早一樣, 又搭五程車返屋企. 順利嘅8點都返到屋企嘅. 個井比琛圳同香港仲熱多兩三度, 使咩焗Sauna減肥. 是日運動量,相信同打2場波差唔多.
實在太累了,令人當晚唔想食飯, 第二日通常又會唔知醒, 攪到要搭的士返工, 蝕晒大本 ... 好在呢次講掂娜姐等我比錢一直坐到羅湖, 可能見我個樣太殘掛, 又要拎埋份legder走, 如果唔係冇9點都返唔到屋企.
3 comments:
惠州都好熱, 有冇興趣去多個地方焗sauna?
好似走難咁，完全明白你激廋嘅原因！
你係膠層,有專車接送嘅,點熱都對你冇影響啦!
Post a Comment