大件事

早排死好彩, 係股票場上呃咗d錢番黎. 所以本人突然良心發現, 諗住回饋屋企. 居然走去換咗廳部冷氣機,等阿媽唔使交咁多電費 . 又突然申請咗張附屬咭比阿媽,變相加佢人工. 呢兩件事對屋企人黎講簡直不可思議, 十年唔逢一閏, 大新聞喎. 好豪喎,轉死性...下刪n句comment.

佢地咁睇我冇法, 貪錢係我自細嘅嗜好, 大個咗嘅人生方向. 冇咗佢簡直令我嘅生活變得暗淡乏味, 也是我不斷轉工嘅原動力. 做好事梗係物以罕為貴, 間唔中做吓, 佢地先會感動. 哈哈 (查實係縮骨)不過做完好事之後呢....

部冷氣機用咗一個月後滴水,比樓下投訴. 母親大人因此情緒激動, 開始埋怨我要換機和安裝時又唔睇緊D (喂, 我睇黎做咩, 我又唔識安裝) 家陣令佢好煩惱.... 煩咩,又唔係要自己拆部機出黎. 係不斷煩擾下令我心情煩躁, 死火! 一早起身又得罪阿媽..

個張信用簡直捉蟲,有次出街食飯母親大人用咗黎找數,事後居然叫父親大人比番錢佢. 張咭係我比錢喎!! 咁又唔見幾舊水.

下次做好事之前真係要諗諗先喇.