呢排唔聽話,要戒口嘅食物全部都食. 可能忍得太耐攪到心理不平衡, 什麼水煮牛肉, 辣味牛百葉,辣味魷魚,何包蛋.....通通都食,話知佢....
開心過後就係痛苦嘅開始, 不枉我係屋企公認嘅"大食懶", 食完又唔郁. 咁食法不但止體重上升, 連條腸都跟我偷懶,成個星期都冇郁過. 唔想睇西醫, 咪走去睇吓中醫, 冇咁傷身. 阿醫師開個藥方, 叫我當晚五碗水煲埋一碗, 加重藥, 兩小時內包掂. 可能阿媽對一碗水嘅定義唔同, 竟然用食公仔面嘅湯碗為單位.... 當晚飲完果一大碗藥都飽啦. 我一路飲,一路埋怨之際,又比阿媽話我好蝦佢,(佢蝦我就真,要我吞一大湯碗嘅臭水) 可能d藥溝稀咗, 8點飲完, 等到清晨2點都冇反應. 諗住算,去瞓啦. 點知原來藥力延至清晨4點先發作... 痛痛痛醒咗!! 啋,攪到我冇覺好瞓. 仲係連續兩晚, 鬧鐘都冇咁準呀!
2 comments:
咁去法，係唔係好好多啦？
溝稍咗就分兩日，如果無溝稍到，你咪要坐喺個屎塔到坐成晚囉？！
就算唔做運動，飲多ｄ水都得架！不過唔可以係蒸餾水！
同你啱啱相反, 我d腸有嚴重"燥狂症", 通常一杯奶茶或latte就可令佢地發癲
Post a Comment