又新年

又過年, 今年懶到冇執野. 唔想郁.

年三十: 瞓到點幾先起身, check 下手電見有心急人係10點幾有個留言. 好在有拎咗公司部notebook返屋企, 唔係都唔曉答佢. 由於係早一個星期日冇覆佢電話, 比佢依依哦哦, 唉!! 都係要覆佢好D.

年初一: 例必出現嘅親戚到齊,午飯食咗例必會食嘅餸, 今年有d新意. 有人提意拉隊行去阿哥屋企打幾圈. 係"行", 唔係搭車, 成班無聊人係天氣得6度下行成半粒鍾,凍死我

年初二: 一切回歸平靜, 冇人黎拜年. 可以成日係喱係床度保暖. 晚上9點心急人又電我,問我總公司先知嘅問題, 喂, 果d係management decision,我鬼知咩

年初三: 好無聊, 全日在家發mo ~ing

假期最後一日: 係屋企玩wii fit, 評估結果話我嘅身體年齡為五十有一, 我啋!