幾經波折,以為終於搵到個似樣嘅會計, 以為一切都終於苦盡甘來. 以為唔使個個月好似教女咁教, 以為唔使個個星期碌上個井度. 以為上星期四同個新人一起返工,見證交接, 以為可鬆一口氣....點知
個新人做咗3 日, 就經已頂唔住, 又話同人唔夾, 好似受到好多委屈咁, 十成受到教唆啦. 我今早一返黎就經已收到佢嘅請辭. 我啋! 上星五我仲出咗個announcement 公告天下. 真係比佢激死, 真係好想知星期五,六發生咩野事. 攪到佢咁心淡.
好啦, 開心嘅日子過得特別快, 發完白日夢. 一切還完基本步.又要睇履歷表, 又要碌上去in人, 又要趕頭趕命,又要玩埋數DIY...
又話自己嘅物件無故折斷係幫我避刧嘅, 呢排我嘅耳環, 鏈咀, 手鏈都經已相繼折斷咗. 下次仲想壞咩呢? 壞夠未呢?
8 comments:
你d魚魚都似乎幫你避左好幾劫
咁我要善待死剩果條喇!
咁你咪要OT OT 再 OT......
你應該買多幾條至啱喎！
不如養龜啦...夠長命,亦都可以頂得吓！
養龜要帶佢晒太陽ga ， 如果唔係個殼會"林"晒 ， 佢就會"加柴"。
我阿嫂好驚龜,唔養得呀!
養色翼/炎蛇, 可以屎蛇奶屎鑑賞哎嘛...呵呵！
Post a Comment