Mission Impossible

自從無辜被放入台灣呢個大鑊後,我就成為咗老細跟家嫂之間的代言人. 由於雙方各有道理,夾係中間的我真係煩到頭爆. 呢頭聽完家嫂對老細之不滿,轉頭又要講返家嫂的要求及現在公司情況比tata&心急人知道,有時仲要諗埋個解決方法比佢地. 有結果咩, 又要我同家嫂講. 原來我做咗電話呀, 大家不停咁比野我聽,以我呢個"死婆 冇鬼用" 嘅資質,講番原文80%已經好好(希望有啦,我估)

好啦, 跟埋台灣,人工冇變,職位冇變. 家陣香港大陸要跟7 間,台灣4間. 平日冇事就得啫, 家陣咁嘅時勢,同時期有鑊就死得啦我.

雖然心急人之前話知道我要考試上堂,冇多餘時間.會請CPA幫手喎. 但依家又話人地費用太貴,家陣要我出動我跟M小姐嘅友誼,叫我同佢溝通溝通,比公司解僱後又叫人番黎幫手喎(面子問題, 比我都唔會啦) 我點做談判專家呀!! 成功又會被家嫂認定我係二五女. 佢實誤會我啦.

原來五一勞動節真係要勞動架. 唔知要打幾多次IDD,人地先肯同我講吓野呢? 又一次比班日耳曼"膠層"玩死.
呢次真係做又死,唔做會慘死. 鬼叫自己要是做好人,捱義氣頂硬上. 留係度幫tata同唐寧咩.

澄清告示

早排抄咗篇"為你寫詩" 的感性歌詞,結果攪到比人問係唔係拍緊拖. 咩關事嘅咩! 唔比人鍾意聽情歌嘅咩? 我都鍾意聽快歌, 但我唔會郁身郁勢bor.


高風險嘅野唔好預我,係我所見的拖友/夫妻之中,平安冇事的少之又少. 唔想煩埋d咁高風險嘅事. 不如煩下去邊到旅行仲好啦.

唔好再問我喇, 我拍你個頭就會, 拍拖? 多謝喇,留番比公司果位極度希望有拖拍嘅美女啦..

台灣之痕-後續

上次講過係台灣搵到間好扺食嘅, 呢間係一問涮涮鍋連鎖店: 只須叫一份食物,免費送你一大碗菜,魚旦. 仲有幾款飲品,粉面, 鷄旦, 甜品, 雪糕任飲任食.
我只係叫咗份低脂牛肉(見圖), 其他都係送嘅, 埋單NTD290, 約HKD78. 掂! 台灣之行, 總算有些少安慰.

鐵人耐力賽

本人現正進行鐵人耐力賽,行程如下:

熱身賽: 台灣之行,受盡打擊,日日冇覺好瞓做餐你死,點知仲比人屈咗鋪勁野,平日同家嫂關係良好的我,都唔同我講野喇.

練習賽: 比人哦得多,一向毫冇上進心的我,近日再遇打擊. 有2個發鷄盲又係同公司嘅agent call 我見工, 咩都傾好晒,佢先睇到我唔係CPA.即刻改晒樣. 話再同我搵另一份喎... 哼, 有牌同做野係兩回事,我都見唔少啦.

係連番打擊下,心口諗住個勇字走去報名考試,仲一次報考4科. 2科自修,2科報讀精讀班,假日朝10晚9/朝10晚5. 平日有2晚就7至10. 全部係對面海上堂. 令我人生呢排充實到爆, 銀包空虛到爆 (使咗成萬蚊呀!). 全球合格率先得三十幾個百分比, 我簡直痴咗線喇! 又浪費金錢喇我.

日日係公司都係想知幾時執得,但近日又比我知道關於我嘅另一打擊,真係唔知點算,又要做人生的決擇,好死煩..

究竟我可以捱到幾時,我都唔知喎.不過以我嘅身形推斷,絕對頂得住!

為你寫詩

近排突然好感性, 覺得呢條歌超好聽:

Link:
http://www.youtube.com/watch?v=FVhZwTx2eL8&feature=related

為你寫詩曲詞唱：吳克群

愛情是一種怪事
我開始全身不受控制
愛情是一種本事
我開始連自己都不是
為你我做了太多的傻事
第一件就是為你寫詩

為你寫詩
為你靜止
為你做不可能的事
為你我學會彈琴寫詞
為你失去理智
為你寫詩
為你靜止
為你做不可能的事
為你彈奏所有情歌的句子
我忘了說 最美的是你的名字

愛情是一種怪事
你的笑容是唯一宗旨
愛情是一種本事

我在你心裡什麼位子
為你我做了太多的傻事
第一件就是為你寫詩為你寫詩
為你靜止
為你做不可能的事
為你我學會彈琴寫詞
為你失去理智為你寫詩
為你靜止
為你做不可能的事
為你彈奏所有情歌的句子
我忘了說 最美的是你的名字

為你寫詩
為你靜止
為你做不可能的事
為你 我學會彈琴寫詞
為你失去理智
為你寫詩
為你靜止
為你做不可能的事
為你彈奏所有情歌的句子
我忘了說 最美的是你的名字
我什麼都能忘記但唯一不忘是你的名字
我什麼都能忘記但唯一不忘是你的樣子
我什麼都能忘記但唯一不忘是你的名字
我什麼都能忘記但唯一不忘是你的樣子

冒牌劊子手

台灣之行, 目的係代家嫂埋台灣果幾盤數,做吓reports. 殊不知原來有高膠層下令當日公佈cut 人大計. 果班"膠層"真係不知所謂, 個個做晒縮頭烏龜,影都冇. 咁啱當日上午我有其他事搵個律師問野. 咁至死火喇!

就係下午,條律師走黎公司. 撻咗我名(原來佢只係contact過我一個人), 佢比咗份"舒特拉的名單"比我,叫我安排有關人等開會公佈詳情. 基於名單有我部門同事, 道義上陪埋一齊開會關心吓佢地. 就係咁, 家陣成個台灣公司以為我係心急人派黎嘅劊子手, 我回港後佢地要我交代詳情,又叫我返番去台灣. 再加上總公司有個死婆,居然話我係負責呢件事嘅人. 激得我出咗封投訴信比心急人, 講明我好disappointed & upset! 再主動call佢再去投訴! 我知心急人都係受害人, 但作為我老細,佢點都要做野!

我只一隻small potato, 呢個罪名我擔當唔起. 再去台灣,我怕比人丙喎!! 仲有, 唔該叫班不知所謂嘅人,唔知就唔好亂講野啦!!!!

返來囉

幸好家嫂好有heart咁提前返工,雖然一黎我就通知咗件事佢知, 見佢咁鬼激動,都唔知講咩野安慰嘅說話. 其實我真心想祝賀她可以早日脫苦海, 我地平日都想係咁啫, 但到真正發生嘅時候,情況會咁唔同喎.

好囉! 台灣終於有人跟番(雖然唔知會唔會再玩野), 唔理啦,即刻電聯心急人,死人都話唔使再到公司交接,可以係香港做都得, 就係咁我今日可以返到我嘅狗竇喇!

係台灣嘅最後一晚,居然比我搵到正野食, 不過家陣好鬼攰唔講住喇,下次再講.

台灣之癢 (二)

做死人咩. 星期日晚十二點返到台灣酒店,第二朝7點幾起身準備返工, 人地係香港係8黠半起身,9點幾至到公司ga ma.

今日由9點正一直做到6點 (冇去過厠所!) , 由於大家比今日嘅消息攪到無心工作, 個個準時閃人. 令我立即仆返酒店叫room service 食咗半個面之後一直做到一點多. 好倦呀我, 正值台灣多事之時, 心急人大把野叫我攪, 又要幫家嫂做野, 又要做大陸香港, n咁多野. 咩都係我. $#$%#

死啦, 第一日就咁, 仲有4日捱....幾時輪到我比人炒呀!! 我反肚喇....

台灣之癢 (一)

上回講到小女子同咖哩無啦啦比心急人點咗去台灣平定家嫂之亂, 今朝8點都未有就仆到去鷄場. 多得咖哩哥唔少,攪到我要幫佢拎埋佢部電腦. 雖然可以坐的的, 但係都十分樣衰. 個身"咩"一部notebook, 右手拎旅行袋, 左手又拎一部notebook.. 遠見咖哩哥一副西裝look,拖個喼仔慢慢走過黎. 第一句就話: 你好似走難喎~~ 激死


check in 果陣,至發現佢原來佢唔可以係台灣攞落地簽証. 攪到佢變咗黎送我上機,我呢一個孤兒女嘅長征之旅開始喇 ~ 玩死

去到家嫂勢的力範圍,當然大打人情牌. 希望可簽和平條約,大家坐吓飲沙冰,食碗牛肉面.心急人同家嫂嘅恩恩怨怨, 關人地咩事喎, 唔好玩我啦. 玩咖哩啦.

全日不斷發呆中~~家嫂好俾面咁講解清楚我知~~可惜本人資質所限,冇咩頭緒. 我決定更改戰略, 打天才波..呵呵

今晚到酒店都成9點,屈咗成日實在太悶又未食飯. 忍唔住一條友出去周圍遊蕩,成條街行得最開心居然係便利店, 你就知有幾好啦.

不過今日收到艾力馮及tata嘅溫馨問候,令到本人十分感動~ing. 查實心急人都有問候,不過最後叫我delay班機返香港. 哼! 扣分!

禺人節

時間: 6點幾

地點: 公司


電話 嘟~嘟~嘟~


心急人: .......... (太快,聽唔到佢講咩)......... 聽日去台灣!!

我 (迷茫中): 哦~~你去?

心急人: 唔係! 係你去呀,同咖哩哥一齊去, 搭最早班機去.....!! 下刪n個字...........聽日去,後日返, 下星期你自己一個人再去! 幾時返? 直至另行通知.....

我 (help!!!) : 埋數喎, 我有7間公司嘅數要跟

心急人: 去咗先再想辦法..... (佢好感慨咁講咗好多野, sorry我已經聽唔入耳)......呢個係個好機會,等你去學習, 唔使驚,我有信心你做得到......

吓! 我冇喎...真係多謝晒... 如果你之後同我講以上係禺人節笑話一則, 我會更多謝....

原定打算係呢個時間同葉阿密小姐去台灣自由痕,不過去唔成. 家陣始終都要去一次, 唔止...至少兩三次...... 噢! 屎! 點解呢樹嘅事,真係鑊鑊新鮮鑊鑊金嘅?