假期過後

報告,報告. 今年復活節過得鬼死咁充實:

Day 1: 同家姐去咗葵芳廣場shopping, 貪果度夠平,又有我地size. 不過一去到都係走去搵野食先(其實係屋企都已經食飽晒), 但一見到d勁辣魚旦同魷魚....之前食過咩野都唔記得喇. 當日一共買咗7件衫, 1條圍巾. 出晒血喇~~

Day 2: 一早比個電話嚇死, 原來老豆打咗個呵欠後突然腹痛難耐, 先行走去急診室.... 平日病到死死下連普通醫生都唔睇嘅佢,當日居然自動搵醫生,仲要去醫院. 應該好大鑊. 攪到全家人走去醫院陪佢等報告. 好在冇事, 難得一早咁人齊, 走咗去飲茶. 是晚代父出戰, 打咗4圈唔見50蚊. 好在當日我負責買餸煮飯,打咗70蚊"釜頭", 都有s0....呵呵

Day 3: 瞓係床度睇卡通片 ~鬼泣(Devil May Cry)~ 多血, 啱我

Day 4: 又瞓係度睇另一套卡通片~聖魔之血~ 有吸血鬼, 一pat pat 血, 我鍾意. 晚上聽完心急人嘅來電攪到心緒不寧, 今朝一起身個腦就彈出佢要我做嘅野.


瞓咗兩日,腳趾抽筋ing.

假期前夕

呢個星期都冇心情工作.. (唔係日日都係ga咩!) 公司會轉手, 我懶死等賠錢 (如果佢真係唔要我). 一直以黎,期望嘅事好快成真. 就快可以脫苦海啦.

今日公司冇膠層, 個system又開唔到,整唔到report比人地個老細.


好悶ing, 等放工,六點鍾, 時間啱啱好.

哥仔你想點

為慶祝係太平洋浮沉三週年, 請咗半日病假去睇報告和覆診. 一入到去見到位三十都唔知有冇的醫生哥仔,聽佢講一大輪例行說話後,突然問:

醫生: 你重咗好多喎?

我(無奈): 我知....

醫生: 食多咗?

我: 都係咁啦...

醫生: 咁結咗婚未?

我: 未喎 (咩肥同結婚有關?)

醫生: 親戚有冇準時?

我 (妖): 啋, 係肥咗啫! 唔係有咗喎!

醫生: 你咁後生,小心d

ding ding ding ding~~~ 無語中~~~~

三週年

2005年3月14日: 一位斯文有禮又善良嘅女子開始游到太平洋, 由於工作實在比係"屈銀紙"時代easy好多, 心裡不禁暗暗自喜. Yeah! 終於搵到份"他條"嘅工, 日日返工等放工,成日扮做野,令善良的女子十分唔好意思,但作風依舊.

一年後:斯文的女子依舊浮游於太平洋中. 工作無難度,六點可放工. 係間唔中比D低能百痴嘅"膠層"激親&中傷.

又一年:斯文的傻婆剛升職加薪,見錢開眼的女子當然樂意係太平洋游下先. 扺死喎!! 咁就比人呃咗喇!! 開始係呢樹嘅惡夢 @#$@$!~~~詳情請看之前的文章

再一年: 粗魯,巴渣又鍾意遲到嘅無聊人依然健在, 昔日共同對外的友伴相繼脫離苦海. 見到堆屎如山的工作,日日都望比人炒....

希望下年唔使再回顧,我驚到時只識寫粗口....